My emmer-skop lys

My emmer-skop lys

Hierdie is my emmer-skop lys.

1. Ek wil geromance word deur n man (verkieslik myne) Kerse, blomme, olie, masseer, sjokelade, surprise wegneem aande, musiek, asem snak mooi gebare. Alles. Ek wil dit met my hele hart ervaar.
2. Ek wil leer surf.(Ja, hou op verstik, ek wil leer surf in die see)
3. Ek wil in sneeu speel, met n mooi rooi jas aan en handskoene en n serp en n mus en ek wil 50 kg weeg.
4. Ek wil oud word by n huisie by die see. Die Kaapse see verkieslik.
5. Ek wil die dag sien dat Ryno n deeglike werk kry.
6. Ek wil na n stilte en meditasie sentrum gaan vir n maand en leer om te luister, rerig te luister.
7. Ek wil n musiek instrument leer speel.
8. Ek wil tswana leer praat.
9. Ek wil n Nickelback konsert bywoon.
10. Ek wil n Jan Blohm show bywoon.
11. Ek wil vir Ruan en Michel gaan kuier.
12. Ek wil leer om die strepie op Michel se naam te doen op die rekenaar.
13. Ek wil Keith bederf met n week se visvang by die see.
14. Ek wil my kinders se kinders sien groot word.
15. Ek wil Christo se Mirriam skildery he.
16. Ek wil n kersfees spandeer sonder skottelgoed was.
17. Ek wil n regverdige bevordering he.

Ek is seker die lys gaan nog verander.

Maxeen en die skoonma

Maxeen word Woensdag vyf! Sy is my jongste en my meisiekind. Maxeen is onverskrokke, "loud" en vreeslik uitgesproke! Maxeen sien die wereld heel ongekompliseerd. Dinge is eenvoudig vir haar. Die belangrikste persoon in die wereld is MAXEEN! En sy reken ons amal is op aarde om Maxeen gelukkig te hou.

So gaan haal ons iets by skoonma vanoggend! Wie my skoonma ken, sal weet, sy is n klein, maer vroutjie met bleek lippe, yl hare en n gawe hart.

Maxeen is ongelooflik opgewonde oor haar verjaardag wat kom. Sy kyk haar ouma (wat bewe van die vroee oggend koue) so skeef aan en se met so n geheimsinnige glimlag. "Look how excited my Granny is about my birthday. She is even shivering from excitement!"

Maxeen is heel gelukkig met haar wete dat amal se wereld om Maxeen draai! Mag die kind saggies ontnugter word!

Liam word volgende maand agt. Hy is die middel kind en tog so bedagsaam. Liam is versigtig, slim en n denker. Liam is vreeslik bang vir natuur-rampe, die donker en narre. Dis vir Liam baie belangrik dat mense van hom hou en Liam dink oor die groot kwessies van die lewe. Dinge soos: wie is sterker Jesus of Spiderman? Het Jesus ook n no 2 in die toilet gedoen? Wat is kleiner as n kiem? En dan eindelose bekommernis oor die konstruksie van ons huis en sal dit n tornado, n vulkaan of n tsunami oorleef?Liam het gistraand op die rype ouderdom van agt vir my gevra of hy maar vir Jesus kan bid en vra dat hy "peaceful" kan doodgaan.

My hart ruk net aan die blote gedagte dat iets met my kind moet gebeur! Ek dink egter my kind het iets beet......ek dink dis ons amal se wens om eendag "peaceful" dood te gaan.

My kinders hou my voete geanker as ek verlore raak in die somme en syfers van my werk en die strewe na roetine van elke dag se leef. My tienerseun Keigan, herhinder my hoe "uncool" ek is, nes ek dink ons doen n goeie "job" van ouerskap. My kinders hou my nederig en laat my besef daar is groter kwessies in die lewe as die keuse van n mediese fonds, of hoeveel moet ek die tuinjong betaal, daar is die kwessie van of my huis sterk genoeg is om n tsunami te oorleef!

Gister

Dit voel asof ek gister nog twintig was.....ma die realiteit van die lewe is dat ek elke dag ouer word. Tik-tok, tik-tok deur my dertiger jare, tik-tok in my veertigs, een van die dae is ek sewe-en-sestig en dan is my honderd jaar amper op!

Van my twintigs tot nou het ek baie geleer en geleef. Ek het tot die volgende slotsom gekom oor my eie veroudering en "wysheid"

• Die liefde is nie soos in Mills en Boon boeke nie. Dis in realiteit baie beter en dieper en baie meer gekompliseerd as bloot net begeerte.
• Verjongingsrome werk nie. Maak nie saak hoe duur dit is nie.
• Peetkinders voel soos jou eie.
• Karre, huise en goed maak my nie gelukkig nie.
• Vriendinne word familie na n paar jaar.
• Mens kan resepte boeke lees vir ontspanning.
• Ek voel veiliger as dinge op hulle plek en georganiseerd is.
• n Sekere mate van rassisme is deel vn my DNA of ek daarvan hou of nie.
• Ek is bang vir dronk mense wat skree en ruk-en-pluk.
• Ma -wees, was toe my destiny.
• Artrites is in my gene en my bene.
• Ware liefde vergeef alles. Rerig alles!
• Mens kan "gesuspend" word by die biblioteek.
• Ek gee om vir moeder aarde.
• Ek sien "God" en geloof anders as ander mense, en dis o.k! God is lief vir my.
• Mens word stok blind sodra jy veertig word.

Ek weet, ek weet, die "wysheid" is seker net sinvol vir my. Elke ou het seker maar sy eie wysheid! My wysheid is maar net n paar lyne op die blog maar dit het gekom van baie leef, trane, lag en wroeg. En op die gryse ouderdom van drie-en-veertig besef ek hoe geseend ek is om al die lewenslesse steeds redelik ongeskonde te kon oorleef. En daarvoor se ek dankie!

Die pot noem die deksel skeef!

Gister gesels ek met n kollega. Sy is in haar laat middeljare en erg oorgewig. Die gesprek loop so:

Kollega:     "Riana, but you are very fat!"
Riana:         "I know, I know" (Wat kon ek anders se?)
Kollega:     "You really need to diet." (Noem die pot die deksel skeef!)
Riana:         "Yes, I know Phidelia"
Kollega:      "No, really you are fat"
Riana:          "Sorry Phidelia"
Kollega:      "You are too big, man"
Riana:          "Ja, I know"
Kollega:      "It is so sad, so sad" (Sy skud haar kop treurig en moedeloos)

Ek het n paar vrae....

Kyk sy nie in die spieel nie?
Was dit nodig om my te vertel wat ek weet?
Is dit rerig so treurig?
Is ek nie meer as my lyf nie?
Kan ek nie n ander kollega kry nie?
Hoekom weeg ek nie 52 kg nie?
Kan n vet girl sexy wees?

Ek weet ook nie of ek al die antwoorde wil hoor nie!

RQIM

Ek beplan die blog al vir n rukkie. Lank geloop en dink wat sou ek my blog noem. Uitendelik besluit op "Dagboek van n RQIM" Die RQIM is my nuwe posbenaming. Regional Quality Improvement Mentor in Ventersdorp vir Wits Health Institute, so ewe. Die naam vir die blog klink belangrik en tegnies al gaan die inhoud nie noodwendig dieselfde wees nie. Die naam van my blog en die inhoud gaan ook nie noodwendig met mekaar verband hou nie. Ek wil egter skryf oor wat in my kop en hart aangaan en die blog behoort die doel te dien.

So here goes nothing........